Vetrarstarfið fer að hefjast hjá bogfimifólki ÍFR uppúr næstu mánaðarmótum. Mikið hefur verið spurt um námskeið í sumar en sökum framkvæmda við hús ÍFR hefur það ekki verið hægt. Fljótlega uppúr mánaðarmótum verður komin í gagnið skráningarsíða hér á vefnum þar sem hægt verður að skrá sig á námskeið. Tilkynnt verður hér á vefnum þegar skráningarsíðan er tilbúin svo það er bara að fylgjast með.

Eins og fram hefur komið hér áður þá hefur verið mikil aðsókn að námskeiðum sem haldin hafa verið í bogfimi á vegum ÍFR. Nú fyrr í vor var haft samband við okkur frá Skotfélaginu Ósmenn á Sauðárkróki en þeir hafa verið að skoða bogfimi af fullri alvöru. Samdist okkur um að halda stutt námskeið á Króknum og tók ég það að mér þar sem ég þurfti hvort sem er að vera á Sauðárkróki um þessi mánaðarmót.
Það er skemmst frá því að segja að námskeiðið var haldið sunnudaginn 1. júní í blíðskaparveðri og fór það fram utanhúss. Vorum við á afgirtu túni bak við sundlaugina með námskeiðið. Þetta var allt gert í góðri samvinnu skotfélagsins og lögrelgunnar á staðnum. Alls mættu 10 manns og var áhugi þeirra mikill. Vonandi er þetta byrjum á einhverju meira hjá þeim þarna fyrir norðan. Takk fyrir samstarfið Sauðkrækingar.

Innanfélagsmót ÍFR fór fram þann 20. maí og tóku 13 keppendur þátt. Það hafði greinilega farið framhjá mótshöldurum að Eurovision var byrjuð. Því miður er ekki hægt að nálgast skorspjöld að þessu sinni við flutning á milli tölva þá yfirskrifaðist skráning stiga þannig að þau eru því miður glötuð. Úrslitin voru hins vegar til í öðru skjali. Myndir munu birtast innan tíðar.

Mikil og góð aðsókn er að byrjendanámskeiðum í bogfimi sem haldin hafa verið hjá ÍFR og enn mun vera uppselt á þau út mars. Eitt pláss mun vera eftir í apríl.

Eins og segir í færslunni hér á undan þá er Kristmann að taka þátt í móti á vegum NFAA. Um árangur sinn segir hann "Á föstudeginum byrjaði ég að keppa klukkan 10.00.  Keppendur á mótinu voru um 600 talsins, og mínum flokki kepptu 211.  Gekk mér bara ágætlega.  Endaði ég fyrri daginn með 293 stig, af 300 mögulegum, eða í sæti 189.  Á laugardeginum keppti ég kl. 15:30." Bíð spenntur eftir skýrslu um laugardaginn. Go Krissi.

Sjá myndband frá mótinu á blogginu hans Krissa.

Félagi okkar Kristmann Einarsson er nú þessa stundina að taka þátt í keppni á vegum NFAA í Las Vegas NFAA World Archery Festival og hafði ég sambandi við konuna hans hana Fjólu og tjáði hún mér að allt gengi að óskum. Þess má geta að Kristmann keppir í Compound flokki. Hann hefur verið iðinn við að taka þátt í keppnum og æfingamótum á undanförnum árum.

Kristmann hefur nú nýlega byrjað að blogga um aðaláhugamál sitt bogfimi, en árangur hanns á undanförnum árum hefur verið framúrskarandi.
Sett hefur verið varanleg krækja á bloggið hann Kristmanns á síðunni um bogfimi á Íslandi.

Mikil og góð aðsókn er að byrjendanámskeiðum í bogfimi sem haldin hafa verið hjá ÍFR og enn mun vera uppselt á þau út febrúar amk. Þetta gefur okkur tilefni til bjartsýni og von um að starfið eflist enn frekar.

Óska öllum notendum þessa vefs gleðilegs nýs árs. Vonandi eruð þið ánægð með útlitsbreytinguna.